2026/06/19
२०८०-०६-१३
नेकपा एमाले कर्णाली प्रदेशको पहिलो अधिवेशनको निर्वाचन समय लम्बिएको छ। दिउँसो साढे १ बजेटबाट मतदान गर्ने भनिए पनि अपरान्ह साढे ४ बजेसम्म पनि मतदान हुन सकेको छैन।
यसअघि प्रदेश निर्वाचन कमिटीले शनिबार बिहान साढे ८ बजे उम्मेदवारहरूको अन्तिम नामावली प्रकाशन गर्ने र दिउँसो १२ बजेबाट मतदान गर्ने निर्वाचन कार्यतालिका सार्वजनिक गरेको थियो।
तर, यो समाचार तयार पार्दासम्म निर्वाचन कमिटीले उम्मेदवारको अन्तिम नामावली नै प्रकाशित गर्न सकेको छैन्। मतदानको लागि कुनै तयारी नभएपनि उम्मेदवारहरू प्रतिनिधिसँग भोट माग्दै हिँडेका छन्। एमाले कर्णाली प्रदेश कमिटी १३० सदस्यीय बन्ने छ। जसमा पदाधिकारी पाँच जना, अन्य सदस्यहरू १२५ जना निर्वाचित हुनेछन्।
