2026/06/19
२०८०-०७-२१
जाजरकोट र रुकुमका भूकम्पपीडितका लागि १ लाख ७९ हजार किलो राहत सामग्री बोकेर चिनियाँ जनमुक्ति सेनाको जहाज पोखरा अवतरण हुँदैछ ।
चिनियाँ सेनाको वाई-२० जहाज (पिएलएफ १५) बुधबार बिहान ३:४० बजे पोखरा अवतरण गर्दैछ।
छङ्ग्तुबाट आउने उक्त जहाजका सामग्री पोखरामा झारेपछि नेपाली सेनाको स्काई ट्रकले रुकुम पश्चिम र नेपालगन्ज पुर्याउने तालिका छ ।
पोखरा विमानस्थलमा ती सामग्री बुझ्न र बुझाउन बुद्ध एअरको जहाजबाट गृहमन्त्री नारायणकाजी श्रेष्ठ र चिनियाँ राजदूत छेन सोङ्ग बिहान ८:३० बजे त्यसतर्फ जाने कार्यतालिका छ ।
चिनियाँ जहाज पोखराबाट २ घण्टामा स्वदेश फर्कने छ। बुधबार नै एअर चाइनाको कमर्सियल उडानमा छिमेकी प्रान्त सिजाङ्ग (तिब्बत) का कम्युनिस्ट पार्टी सचिव वाङ्ग जुन्चेङ्ग काठमाडौं आउने छन् ।
राजदूत सोङ पोखराबाट काठमाडौं आएर त्रिभुवन विमानस्थलमा उनलाई स्वागत गर्ने कार्यक्रम बनेको छ ।
