2026/06/13
२०८१-०६-२९
काठमाडौं । दशैं बिदापछि खुलेको कारोबारको पहिलो दिन आज सेयर बजारमा दोहोरो अंकको सुधार भएको छ । मंगलबार सेयर बजार परिसूचक ३१ दशमलव ४८ अंकले बढेर २६९९ दशमलव ६६ को विन्दुमा पुगेको छ ।
आज ३०७ कम्पनीका ३५ हजार ६ सय ४८ पटकको कारोबारमा ६४ लाख १७ हजार २ सय ६७ कित्ता सेयर खरिद बिक्री भएको छ । जसमा कारोबार रकम ३ अर्ब ६ करोड २३ लाख ३७ हजार ७ सय ९९ रुपैयाँ रहेको छ ।
२०५ कम्पनीको सेयर मूल्य बढ्दा ३२ कम्पनीको मूल्य घटेको छ भने ६ वटा स्थिर रहेको छ । १३ उपसमूहमध्ये एउटा घट्दा बाँकी १२ वटामा हरियाली छाएको छ । आज जानकी फाइनान्स र मिथिला लघुवित्तका लगानीकर्ताले १० प्रतिशतका दरले कमाउँदा गुडविल फाइनान्सको कारोबार सर्वाधिक भएको छ ।
