जेनजी आन्दोलन : न्यायिक जाँचबुझ आयोग गठन

काठमाडौँ — सरकारले जेनजी आन्दोलनमा भएको बलप्रयोग लगायतका घटनाको छानबिन गर्न तीन सदस्यीय जाँचबुझ  आयोग गठन गरेको छ ।

पूर्वन्यायाधीश गौरीबहादुर कार्कीको संयोजकत्वमा आयोग गठन गरिएको गृहमन्त्री ओमप्रकाश अर्यालले जानकारी दिए । आइतबार बसेको मन्त्रिपरिषद बैठकले कार्कीको नेतृत्वमा जाँचबुझ आयोग गठन गरेको हो ।

आयोगमा नेपाल प्रहरीका पूर्वएआईजी विज्ञानराज शर्मा र कानुनविद् विश्वेश्वरप्रसाद भण्डारीलाई नियुक्त गरिएको छ । यो आयोगको कार्यकाल तीन महिना तोकिएको छ ।

भदौ २३ र २४ गते जेनजी आन्दोलनका क्रममा ७४ जनाको मृत्यु भएको थियो ।