2026/06/06
२०८१-०३-०९
अछाम –पछिल्लो समयकी चर्चित गायिका पशुपति खनालको नयाँ देउडा गीत ‘पिरतीका फेराइ फेरा’ सार्वजनिक भएको छ । गायिका पशुपति खनाल र शुसिल बोहरा (शुसलिङ) को स्वरमा रहेको उक्त देउडा पछिल्लो समयमा अत्याधिक रुचाइएको गीतमा पर्न सफल भएको छ ।
गायक बोहराले यसअघिका थुप्रै गीत सिर्जना गरेर लय ,शब्द भरेका छन् भने आफैंले स्वर दिएर गाएको यो उनको पहिलो गीत हो । उक्त देउडा गीतमा सन्तोष भट्ट , कामना जोरा , शर्मिला कुवँरलगायतको अभिनयले यस गीतलाई थप जीवन्त बनाएको छ ।
बसल्ली वनडोरीसैन ,बिचै सेरै सेरा
तेरा मेरा पिरतीका ,जाइँताइँ फेरै फेरा
छ पोला घाँस काटी ल्याँया , छ भैंसा छन् भनी
फनफनी घुमाउन्याँ रैछ , यो पापी मन पनि
भर्खरै सार्वजनिक भएको देउडाका यी सुरुवाती टुक्काहरु हुन् । प्रेममा रहेका जोडीहरु सफल हुन नसकेको , समय ,परिस्थिती र बाध्यताले छुट्न पनि नसकेका र एक हुन पनि नसकेका प्रेमीहरुको कहानीलाई गीतमा जोड दिइएको छ ।
जति प्रयास गरे पनि नसकेको भन्दै भाग्यले नै साथ नदिएको भन्दै भाग्यले नै साथ नदिएको जस्ता कुरा देउडामार्फत बाहिर ल्याइएको छ । पछिल्लो समय यहाँका युवा पुस्ताले नै रुचाउने गरि देउडा गीत सार्वजनिक भइसकेका छन् । पशुपति खनालका सँगै लैजा मलाई , अंगुली बाँध्याको जस्ता गीतहरु चर्चित छन् । देउडासँगसँगै लोकगीतहरुलाई पनि आउने दिनमा प्राथामिकतामा राखेर अघि बढ्ने खानालले बताइन् ।
भिडियो :
